فين ياعم طوق النجاة

سمك و ..........صيد

2006-06-23T04:09:00.000+03:00

"سمكة واحدة لا تكفي..."
كنت أسوق سيارتي باتجاه مكتبي كعادتي كل صباح. من الراديو تنطلق موسيقى جميلة تبعث على الحلم والحب. توقفت في إحدى إشارات المرور. طفل جاء يمسح زجاج سيارتي بمنديل كالح طالبا مني نقودا. أشرت برأسي أن لا، طالبة منه أن يتوقف عن مسح الزجاج واستأنفت شرودي اللامبالي واستمتاعي بالألحان المنبعثة من الراديو. مشهد عادي نعيشه باستمرار في الدار البيضاء. مشهد روتيني. تافه إلى حد ما. أطفال يبيعون المناديل الورقية، يمسحون زجاج السيارات، يبيعون معطرات السيارات أو يطلبون صدقة بشكل مباشر وبدون مبررات. مر علي زمن كنت فيه "أساعدهم" بشراء بعض ما يعرضون وإن لم أكن بحاجة له. ثم بت أتبرم من كثرتهم وأقول بأن علينا "أن نعلمهم اصطياد السمك لا أن نعطيهم سمكة"… لكن أحدنا لم يعلمهم يوما اصطياد السمك. وظلوا يعيشون على فضلات أسماكنا وعلى ما تبقى لنا من الجود والكرم، حسب مزاجنا… حسب إحساس اللحظة… حسب مفهومنا للسمك وللاصطياد…
صاروا مصدر إزعاج لنا بعد أن كانوا مصدر إزعاج لآبائهم. نتبرم منهم. ننزعج من كثرتهم. نتساءل إلى متى. ننهرهم أحيانا ونقفل نوافذ سياراتنا بسرعة في وجوههم الوسخة. لكن المشهد استوقفني يومها. استغربت موقفي وردة فعلي العابرة غير المهتمة. استنكرت لامبالاتي. شباب وأطفال ولدوا خطأ ويعيشون خطأ لمجرد أن الوالدين في يوم من الأيام، تماما كآبائنا ربما، قالوا بأن الأطفال زينة الحياة الدنيا. وفي لحظة عنف، في لحظة حقد، في لحظة طيش، في لحظة غضب، لفظهم البيت الأسري إلى العالم ليعيشوا على هوامشه…آباء أنجبوا أطفالا احتضنهم الشارع... رزقهم غير مضمون ومستقبلهم غامض معقد... آباء وأمهات يكرون أطفالهم لمتسولين... آباء وأمهات يرمونهم بين أحضان الشارع... آباء وأمهات يُشغلونهم أطفالا... ترى، هل يشتاقون لهم اليوم؟ هل يفكرون بهم؟... ونتحدث بعد ذلك عن الأمومة وعن الأبوة وعن الأحاسيس الخارقة... نتحدث عن التضامن وعن الأخوة وعن القيم العربية الأصيلة... مجرد هراء... شعارات خاوية جوفاء... مشاهد كهذه، نمر بها يوميا بدون أن تلفت أنظارنا، تقلب كل مفاهيمي وتصوراتي. تجعلني أرفض كل العبارات الجاهزة التي نسمعها يوميا: الظروف الاجتماعية، الفقر، "اللي تزاد يتزاد برزقه"، قلب الأم يسع العالم، الكرم العربي، التضامن... لأن لاشيء من كل هذا صحيح...

ونحن نمر كل يوم من أمامهم، نبخل عليهم حتى بالكلمات ونشير بأيدينا طالبين منهم أن يتوقفوا أو متكرمين ببعض الدراهم... نجلس بعد ذلك في مكاتبنا المكيفة أو في مقهى جميل نتحدث عن الظروف الاجتماعية التي قادت هؤلاء الأطفال أمام مواقف المرور وعن الحلول الكفيلة بحل هذه المعضلة الاجتماعية. نتحدث عن مسؤولية الدولة وعن دور الجمعيات والمجتمع المدني. نروي قصصنا وحكاوينا معهم... وحين يعم الليل، نأوي لأفرشتنا الدافئة ونترك لهم الشارع والعالم بأسره... ما أحلى التضامن وما ألذ السمك...
النص ل سناء العاجي من المغرب

2006-06-18T10:33:00.000+03:00

Free Hit Counters

دافنشى كود

2006-06-15T10:11:00.000+03:00

تمشيا مع الموضة البهائمية,وعلشان البلد كلها تتحول لمعتقل حلمنتيشى,ومن منطق مفيش حد أجحش من حد ,ويا عزيزى كلنا بهايم,كبرت فى دماغ كذا جحش مسيحى فى مجلس الشعب انهم يمنعوا فيلم دافنشى كود من العرض فى مصر,وبما ان المهابيش المسيحيين الجدد قاموا بالواجب مع الاخوان المهبوشين أقصد المسلمين واللى يتشددلهم فى موضوع الرسوم الدنماركية,فطبعا المهابيش المسلمين وقفوا مع الزملاء الجدد,واتجدعنوا كدة وسلقولهم كام قرار على كام فرمان عثمانى وخدوا قرار بمنع الفيلم والرواية من العرض والنشر فى مصر ,

البلد بتروح ياجدعـــــــــــــــــــــــــان

أنا مش فاهم اية موضوع الحظر دة؟كل واحد مش عاجبة كاتب أو مش عاجباة فكرة يقوم يمنعها من النشر؟الأول أولاد حارتنا,الخبز الحافى,كتب فرج فودة,وليمة لأعشاب البحر,سقوط الامام,الوصايا فى عشق النساء,ودلوقت دافنشى كود

اللى يقهر ويذل ان مجموعة من المهابيش تمارس الوصاية عليا وعلى الشعب وتقرر أنا أقدر أقرا اية ومقراش اية, ذى ماكون أنا قاصر انى أقرر الكلام دة صح ولا غلط,يعنى هما قاعدين يدولنا كل الأفكار اللى هما مقتنعين بيها على صورة صحافة وتلفزيون وتعليم وحقن شرجية كمان,ومش واثقين فى عقلى النونو القاصر انى أختار اللى أنا مقتنع بية

طبعا انا قريت دافنشى كود من شهور وبلغتها الأصلية,وقريت معظم الكتب الممنوعة التانية,ومحدش من المهابيش دول بيقدر فعلا يمنع حد من انة يقرا حاجة((قال يعنى احنا شعوب بتقرا قوى ياخى اتهبب))جتنا نيلة ف حظنا الهباب,على فكرة أنا قريت الرواية دى ف السعودية

يا شماتة أبلة ظاظا فيا

المرأة والنصف وأنا

2006-06-14T09:57:00.000+03:00

من الثابت فى الشريعة الاسلامية أن المرأة ترث نصف الرجل,وتعتبر شهادتها أمام القضاء بنصف شهادة الرجل,لا أدرى ان كان ما سأحاول قولة هنا يجوز أولا يجوز ولكنة دائما فى فكرى ,حاولت أن أجد لة شرحا وتفسيرا ولكنى لم أحظى بشىء مقنع,فرجـــــــــاء ان كان عندك رأى اكتبة لى

لا شك أن هذا الموضوع أتعبنى أقصد موضوع نصف الميراث,لماذا ترث المرأة نصف الرجل؟ولا شك أن الاجابات كلها كانت تنحصر فى نقطتين,الأولى سخيفة والثانية لها وجاهتها ولكن مردود عليها

أما الأولى فهى أنة ليس فى كل الحالات ترث المرأة نصف الرجل,فمثلا يمكن للأم ان ترث أكثر من الأخ,والابنة أكثر من ابن العم وهكذا,ومصدر السخافة هنا أن المقارنة ليست بين ندين,ليست بين الابن والابنة,الاخ والاخت,أو الأم والأب,وهذة نقطة ان قيلت فى نقاش فهى تضعف موقف قائلها

أما الثانية,فهى أنة فى الاسلام الرجل هو المكلف بالانفاق,نعم هذا صحيح,ولكن ماذا لو أصبحت هذة المرأة بلا عائل,مات زوجها مثلا عن أطفال صغار,وأصبحت هى المسئولة عن نفقتهم,أو أنها طلقت وانضمت الى طابور المطلقات الذى يطول ولا يقصر,أو حتى لم يحدث هذا ولا ذاك وامتنع الرجل عن الانفاق عليها وأولادها كما يحدث كل يوم,ألا يضع كل هذا الأمر المرأة دائما وأبدا تحت رحمة الرجل ورهنا بمزاجة هو وبأخلاقة هو دون أدنى سيطرة لها على مصيرها وحياتها,هذا كلة فوق اعطائة هو حق تقرير الطلاق والزواج بأخرى دون اعتبار حقيقى لرأيها

يا ربى كم أتعبتنى هذة الأسئلة,وكم خذلتنى الاجابات

ولكننى فى النهاية قررت أن أترك هذا الأمر ولا أفكر فية,وقررت أننى سأحاول تعويض أخواتى عن الفرق بين ميراثى وميراثهن بطريقة ودية ودون أن أخبرهم أن هذا تعويض,الحمد للة أن ميراثى بضع جنيهات,كما قررت أن يكون توريثى لأبنائى بوصية,وهو حق لى فى الاسلام كما أظن

أما ما أطار عقلى ووقفت أمامة مذهولا هو أننى قرأت عن مظاهرة فى ايران ,من ضمن مطالبها تغيير قانون يقول أن دية المرأة نصف دية الرجل!!!!!!!!!!أحقا هل قيمة حياتها أيضا بنصف قيمة حياة الرجل؟!؟!؟!؟!؟

اللهم الهمنى الصبر

كاس العالم مجانا وبالضمان

2006-06-12T09:48:00.000+03:00

نكاية فى أخونا صالح كامل,وغما عن أنف ال اية أر تى,وتضامنا مع اخواتنا المساكين واخواتنا المسكينات,المستضعفين والمستضعفات,نقدم لكم قناة تذيع كل مباريات كاس العالم,وهى قناة غير مشفرة ,ولحسن الحظ المذيعين ليسوا عرب((ارحمونا من المذيعين المغاربة))

القناة أنا بشوف عليها المباريات كلها لغاية دلوقت,وهى كلفتنى ما يوازى خمسين دولار مقابل طبق صغير و لاقط لأن القمر تركى,سجل البيانات

turksat 1 c

frequancy 12008

horizontal

symbol 4400

fec 5/6

the channel is kanal 1

يا امة ضحكت من جهلها الامم

2006-06-11T10:15:00.000+03:00

أعجب من أمة تنعى رجلا تسمية أمير الذباحين وتعتبرة شهيدا موعودا بالحور العين

أعجب من حركة حماس عندما تنشر بيانا تنعى فية ((شهيد الأمة))وتعتبرة ضحية لمؤامرة صليبية صهيونية وتعتبر أنة كان يدافع عن ثوابت الأمة

ومن قناة الجزيرة التى تستضيف كل شحص يمدح الزرقاوى ((رئيس تحرير جريدة القدس,ومنتصر الزيات))وعندما تتصل ب رئيس برلمان كردستان الذى ما أن يبدأ القول أن الزرقاوى ارهابى حتى يضيق الوقت

أما السيد منتصر الزيات المدافع عن الارهابيين أبدا فانة كاد أن يرفع الارهابى المجرم الزرقاوى الى مصاف القديسين ملتمسا لة كل عذر ومعطيا لة كل مبرر لفعل مل فعل

اللــعنــــــــــــــــة

الى الجحيـــــــــــــــــــــــم

2006-06-08T11:57:00.000+03:00

الى الجحيم يا أبا مصعب,الى الجحيم ايها البائس الحقير,تمتع الان بالاخرة,قابل كل من ذبحت,قابل السفير المصري واسترجع صورتة,ترى هل تتذكرة أم تاة وجهة بين وجوة المذبوحين,هل شعرت بوزن رأسة عندما حملتة ووضعتة فوق جسدة,ترى هل يمكن ان تستعيد صوت الحشرجة وخرير الدم الذى يسيل من شرايينة,هل تتذكر نظرة عينية ,لا أظن,لا اظن ان تتذكر أى من هذة التفاصيل,فهو واحد من الاف وهو رأس من بين الرؤس

الى الجحيم,الى الجحيم,الى الجحيم,فأنا اكرهك,أكره عنفك ودمويتك,أكرة يقينك,أكرة رفضك لغيرك أيا كان,أكرة احكامك وقضاءك,أكرة سيفك والدم الذى يقطر منة

الى الجحيــــــــــــــــــــــــــــــــــــــــــــــــــــــــــــــم

ملاحظات على ملاحظات الاخوان

2006-04-25T14:18:00.000+02:00

السيد عصام العريان اعتاد أن يكتب مقالة أسبوعية فى جريدة الحياة اللندنية السعودية وهو قد يكون موضوعيا احيانا ولكنة فى معظم الأحيان يستخدم (المنطق)

لتغطية أفكارة المشوهة,الغير منصفة والمغلوطة

فى مقالة الأخير بتاريخ 25 أبريل عن احداث الاسكندرية بدأ بالاشارة الى توقيت الأحداث مع اقتراب موعد تجديد قانون الطوارىء وأشار ضمنيا الى أن الدولة ربما تكون مسئولة عن هذة الاحداث لتبرر تمديد حالة الطوارىء-ترى ماذا سيقول بعد تفجيرات دهب- السيد العريان يعيب كذلك على المجتمع القبطى انة يضع الملفات الدينية والسياسية فى يد الكنيسة وتناسى أنة يتحدث باسم تنظيم يقدم نفسة على أساس أنة تنظيم سياسى ودينى وثقافى واجتماعى وشبابى00000000الخ

ثم يعيب على الأقباط أنه دعاهم الى العمل المشترك فى المجالات الرياضية والثقافية والاجتماعية وبالطبع لن يفعل القباط هذا ,لن يلمعوا صورة الاخوان ولن يترشحوا على قائمة المجموعة التى تسعى الى حكم البلد على اساس دينى ,التى تريد أن تطبق عليهم الشريعة الاسلامية فتقطع يد السارق المسيحى كالمسلم,لن يلمعوا جماعة تعتبرهم أهل ذمة

ثم يقع العريان فى الخطأ الفاضح الفادح عندما ساوى اضطهاد الدولة للأقباط باضطهادها لمجموعات سياسية_الاخوان بالطبع_ ولكن هيهات ياسيدى ليست هذة كتلك,فرق أن تضطهد لأنك ناشط سياسى,معارض,وأن تضطهد للا شىء سوى أنك انسان عادى لم تفعل شىء ولكن لأنك امنت بشىء00000مختلف أو لم تؤمن بشىء على الاطلاق00

من وحى أحداث الأسكندرية

2006-04-15T14:36:00.000+02:00

فلأتجرع الألم حتى أختنق,ولتلعق الألسنة دمائى,ولتسكر من طعمها المالح الحلو

لا ترحمنى ياصديقى فأنا لم أرحمك

اطعن ولا تشفق عليا ولا تتنهد

نفس عن غضبك,واغرس أسنانك فى لحمى وتلذذ بالطعم

أنا مخطئ وأنا أستحق

أنا كرهتك كما تكرهنى,وكم حقدت عليك

لا تتردد اطعن فأنا أمقتك كما تمقتنى وأشمئز منك

لا لسنا اخوة,فأنا أعلم ما يقال وراء الابواب وخلف أسوار الكنائس

أنا أسمع المشايخ,وأسمع أساطير العامة

وأنا أرى العيون تشمئز من الصلبان المطبوعة على المعاصم

لا تتردد

اضرب ولكن لى عندك رجــــــــــــاء

لا تدفنى فى ارض مصر,لا تدفنى فى الشرق

فأنا محروم من ثلاثين عاما أن اكون حرا

شربت الذل حتى الثمالة

وشربت القهر حتى امتلأ البطن

لا تدفنى فى الشرق

فالطغيان فى الشرق أصلى من الجحيم

وأنا تعـــــــــــــــــــــــــــــــــــــــــــــــــــــــــــــبت

اهداء الية

2006-02-23T08:46:00.000+02:00

ياطير ياعالى فى السما طظ فيك

متفتكرش ربنا مصطفيك00000

برضك بتاكل دود0وللطين تعود0

تمص فية ياحلو0000ويمص فيك

آآآآآآآآآآآآآة يا بلد

2006-02-07T10:30:00.000+02:00

خمسة آلاف سنة
و نحن فى السرداب
ذقوننا طويلة
نقودنا مجهولة
عيوننا مرافئ الذباب
:يا أصدقائى
جربوا أن تكسروا الأبواب
أن تغسلوا أفكاركم
و تغسلوا الأثواب
:يا أصدقائى
جربوا أن تقرأوا كتاب
أن تكتبوا كتاب
أن تزرعوا الحروف
و الرمان
و الأعناب
أن تبحروا إلى بلاد الثلج و الضباب
فالناس يجهلونكم
فى خارج السرداب
الناس يحسبونكم
نوعاً من الذئاب
..
جلودنا ميتة الإحساس
أرواحنا تشكو من الإفلاس
أيامنا تدور بين الزار
و الشطرنج
و النعاس
هل (نحن خير أمة أخرجت للناس)؟
نزار قبانى

اعتذار

2006-02-07T10:27:00.000+02:00

http://www.sorrynorwaydenmark.com/

زواجكم دعارة مشروعة من بلوج مغربى

2006-02-01T09:27:00.000+02:00

بعث لي صديقي رسالة يطلبني فيها للزواج... ثاني عرض صريح للزواج أتلقاه خلال شهرين... وكما في المرة السابقة، استعرت عبارات لنزار قباني لأرفض عرضه قائلة: كن صديقي...
لعله جنون كما قالت صديقتي هذا الصباح حين كلمتها في الأمر... قد أندم على قراراتي هذه حين أشارف الثلاثينات كما قالت لطيفة خلال سهرة اليوم... قد أبحث عن مثل هذه العروض، لكن بعد فوات الأوان، حين ترحل عني أنوثتي ومرحي وجنوني وعنادي وعفويتي وجمالي وحناني وشبابي واندفاعي... قد يحدث كل هذا وأجدني وحيدة أبكي الماضي وكل الرجال الذين تركتهم ينسحبون من حياتي بصمت وكل الأطفال الذين كنت قد أنجبهم وأكرس لهم أيامي وليالي وقلبي وحياتي ودموعي وصحتي وأعصابي... قد يحدث كل هذا... لكني يستحيل أن آخذ قرارا لمجرد الخوف من أن أندم يوما على عدم اتخاذه... فقد أندم أيضا إن أنا أخذته... هي مغامرة في كل الأحوال... لكني أفضل المغامرة بما لا أعرف والاحتفاظ بما أملك وأعيش وأعرف وبما أؤمن به...
كلهم هذا المساء كانوا ضد مفهومي وتصوري للحب والزواج... ومفهومي هو باختصار أن الزواج في مجتمعنا دعارة معترف بها ومقبولة قانونيا واجتماعيا.
لست ضد الزواج كشراكة، كعلاقة إنسانية تربط رجلا وامرأة أحبا بعضهما واقتنعا واختارا أن يقتسما اليومي معا... كأغلب الناس، أبحث بدوري عن حب يجتويني ويزيد جنوني... عن رجل يجعلني أرى العالم بشكل مختلف... لكني أفضل الاختيار الحقيقي لمؤسسة الزواج ذاتها وليس فقط للشريك الذي سنتزوجه...
أرفض التصور الشائع للزواج كمؤسسة اجتماعية لا مفر منها ونادرا ما نختارها، لأننا غالبا ما نتزوج بالعادة وهذا شيء يؤسفني... إنه إكراه تمارسه علينا، لاشعوريا وبشكل لا إرادي، التقاليد والعادات والأعراف المتوارثة والقانون... لأننا نرى أنفسنا في منظومة معترف بها ومقبولة قانونيا واجتماعيا. أسطورة اسمها "الأسرة"... نمط عيش متعارف عليه ولا يدع مجالا للتساؤل، لأن الاختلاف والتغيير قد يخيفاننا. قد نختار عن اقتناع الشخص الذي نرغب في الزواج به، لكننا نادرا ما نختار فكرة ومؤسسة الزواج نفسها بل نخضع لها... نتصور أنه اختيار في حين أنه سلطة مجتمعية تمارس علينا منذ ولادتنا من خلال التربية والسلوكيات والحوارات المتداولة وأفلام السينما والروايات... دون أن ننسى أن الفشل يتربص بكل الخارجين (وخاصة الخارجات) عن هذا العرف... الفشل والرفض والشفقة اللذين غالبا ما نختار تفاديهم بأي شكل من الأشكال... صعب جدا في مجتمع لا يعترف بالفرد بل بالجماعة، أن تعيش مختلفا... ويبقى الحل الأسهل والأنسب لتفادي الاختلاف المزعج أن تندمج وتنصهر في المتداول والشائع والمعترف به... أن تقلد الآخرين وأن تحتفظ لنفسك –أحيانا- بهامش من الحرية في الاختيار: اختيار من ستمارس معه اللعبة... اختيار ذلك الذي سيجعلك تكسب رضى المجتمع والقانون...
تمر الآن أمام أعيني كل العلاقات الزوجية التي أعرفها... هل هذا هو زواج العقل الذي يقترحه علي صديقي؟ هل هذا هو زواج الحب الذي تكلمت عنه لطيفة هذا المساء؟ الأكيد أنه ليس هذا الزواج الذي أحلم به... صديقتي قالت هذا الصباح إني ربما آخر الرومانسيات المجنونات اللائي يعشن على كوكب الأرض حاليا... قد تكون محقة، لكني أرفض أن أعيد إنتاج إحدى هذه الزيجات التي أراها أمامي... أرفض علاقة حب يحكمها القانون والمجتمع قبل الحبيبين... أرفض علاقة حب يقننها عقد نتحدث فيه عن الصداق ومؤخر الصداق والهدايا والنكاح والخلع والمتعة والنفقة... أرفض علاقة حب نقننها في المحكمة ليعترف المجتمع بحبنا ويسمح لنا القانون بأن نحب ونمارس الجنس وننجب أطفالا... أرفض علاقة حب "تنتهي بالزواج" لأني أبحث عن حب لا ينتهي...
سناء العاجي

عالم اليوم

2006-01-26T09:07:00.000+02:00

الموضوع بدأ من بعد الحرب العالمية الثانية ,بدا من حرب أهلية هندية ادت لانفصال الولايات المسلمة اللى عملت دولة باكستان ,كمان كان انشاء دولة اسرائيل على أساس دينى,وبدأت الموجة دى تجتاح معظم دول العالم التالت ,داخل كل الدول كان مفهوم المواطنة والمساواة فى الحقوق والواجبات على أساس وطنى وليس على اساس دينى أو عرقى ,بدأت تظهر حروب على اساس عرقى ودينى فى معظم مناطق افريقيا,داخل نيجريا بين المسلمين فى الشمال والمسيحيين فى الجنوب ,ونفس الشىء فى اندونيسيا ويوغسلافيا بعد كدة وكذلك فى السودان وبرضة ظهرت حروب على اساس عرقى فى كل مناطق أفريقيا طبعا كان أشهرها الحرب الأهلية فى رواندا و بوروندى,

الموضوع اللى يهمنى هنا هو فى مصر الحقيقة ان فية استقطاب شديد فى مصر وفية كراهية خطيرة عند شريحة كبيرة فى مصر للطرف الاخر ,أنا مراتى جامعية ومثقفة واتنين من اخواتها معاهم الجنسية الامريكية والتالت معاة الجنسية الكندية ومع ذلك عندها كرة واحتقار لمسيحى مصر بالذات غير كل المسيحيين فى العالم0

وطبعا أى حد يدخل البالتوك ويشوف غرف المسيحيين هيشوف قد اية حالة الكرة والاستياء اللى موجودة

اللى لازم يحصل دلوقت ان حسنى مبارك لازم يدى كل المسيحيين حقوقهم فى بناء الكنايس وممارسة شعائرهم وحمايتهم من الأغلبية المسلمة خاصة المتطرفين منهم وهما ماليين البلد, ولازم كمان يدى المرأة حقوقها كاملة ويحميها,ممكن مثلا يعمل كوتا للمرأة ويعمل الانتخابات بنظام القائمة ويعمل المحافظة كدائرة انتخابية واحدة,ذى النظام االى بيحصل فى العراق وفلسطين,يا جماعة 000الفلسطينين والعراقيين عملوا انتخابات الف مرة أحسن مننا,والانتخابات هناك بتعبر عن تركيبة البلد الف مرة احسن مننا,احنا عندنا 4 ستات بس من 444 فى مجلس الشعب وعلى حد علمى ولا واحد فاز فى الانتخابات من الاقباط,

واللة لو الاخوان مسكوا مصر قبل الناس دى ما تاخد حقها البلد هتضيـــــــــــــــــــــــــــــــــــــــــــــع,,,,,,وربنا يستر

نجيب محفوظ

2006-01-19T08:53:00.000+02:00

تخيلوا ان نجيب محفوظ بيطلب ان الأزهر يجيز نشر رواية أولاد حارتنا قبل مايوافق على اعادة نشرها ,ودى طبعا أول مرة حد يطلب فرض رقابة مسبقة على ابداعة,طبعا انا صعقت من الموقف دة خاصة من كاتب و مبدع فى وزن نجيب محفوظ,لكن يا ترى هو عمل كدة لية هل بيحاول يبرئ نفسة من الهجوم اللى عملة علية الأزهر أول ما نزل الرواية علما ان الرواية ممنوعة من النشر فى مصر بدعوى انها بتسخر من جمال عبد الناصر ومجلس الثورة(هبل طبعا),ولا المد الدينى وصل نجيب محفوظ وآثر السلامة خاصة انة على اعتاب الموت,ولا هو العمر والراجل بدأ يخرف............ولا ايــــــــــــــــــــــــــــــــــة

المرأة مرة تانية

2006-01-15T09:41:00.000+02:00

فتوى لاستاذ دكتور عميد كلية سابق فى جامعة الازهر يقول ان تعرى الزوجين اثناء الجنس يبطل عقد الزواج,يانهار ابيض,يانهار اسود يا نهار كاروهات0000000واللة العظيم بجد0

انا مش قادر اكتب تانى

اللة يرحمة

2006-01-07T08:46:00.000+02:00

افتكرت بابا ,اللة يرحمة,مات 20 يونيو 1998,اثناء امتحانات سنة تالتة جامعة,بابا عاش فقير جدا طول حياتة,كانوا بيحكولى انة كان بيشتغل 14 ساعة فى اليوم علشان يربى اخواتة التمانية,مات بفيروس بى و سى اللى اتحولوا بعد كدة لسرطان كبد0

أكتر حاجة بندم عليها أكتر حاجة كان نفسى فيها انى أحضنة بس قبل مايموت انى اقولة شكرا على كل التعب اللى تعبة علشانى انى اقولة انى محتاجة جدا وانى مهما كبرت هفضل مفتقدة وهيفضل سايب فراغ كتير جدا فى حياتى,

كان نفسى يعرف انى عمرى مانسيت يوم ماسافر 600 كيلو فى الاتوبيس علشان يقعد معايا 10 دقايق بس,

بس للاسف مات والامتحانات شغالة ومرضيش يخليهم يبلغونى انة تعبان 000000انة بيموت

آآآآآآآآآآآآآة يا بلد

2006-01-03T09:11:00.000+02:00

من قد 10 سنين كدة وانا حاطط فى بالى موضوع الهجرة لكندا,بصراحة كنت قرفان من البلد 00000000والقرف دة بيزيد,أحلام مراهقين بقى فلوس وبنات وحرية والأهم000هروب كبير من البلد المعفنة دى من المواصلات ومن السكك ومن الزحمة ومن قلة الذوق وقلة الأدب ومن السيد نائب مجلس الشعب ومن عسكرى المرور كمان أهة
لكن انا دلوقت عايز أسافر علشان خااااااااااااااااااااااااايف ,الاخوان هيمسكوا البلد,واللة البلد هتضيع, كل سياستهم غموض فى غموض محدش عارف هيعملوا اية فى اتفاقية السلام مع اسرائيل,مع المراة,مع المسيحيين000طيب واليهود....والبهائيين طيب والناس اللى مش مؤمنة...هيقتلوا اللى يختار يغير دينة...ولا المسلم اللى مش هيصلى...ولا اللى مش هيزكى..طيب....هيطلعوا المسيحيين من الجيش,أكيد هيفرضوا عليهم الجزية مش كدة؟ هيعملوا اية فى القانون هيرموة على الرف ويقطعوا ايد السارق هههههههه اللى سرق 1324567989 دولار وهرب برة واللى سرق بخمسين قرش عيش,كل السرقة ذى بعضها,والقتل معدش فية سبق اصرار ولا اعتبار للدوافع والظروف طيب واللى بيستغل منصبة وجرائم الانترنت والجات والقانون الدولى و...... يالهوى
ملاحظة أخيرة....الجريمة الوحيدة اللى هتفلت هى الزنا لازم يا اما أربع رجالة أو تمانية ستات ....آآآة أصل شهادة الست ب نص راجل

كلنا لاجئون

2006-01-01T08:33:00.000+02:00

عمى حكى لى مرة انة وهو ماشى فى الشارع,سمع صوت واحد جارنا بيجعر وبيصوت,ولما اتأكد انة جاى من القسم جرى يشوف الموضوع,لقية متوضب0000000000متأدب00000متشلفط,جارنا دة كان عندة 60 سنة وكانت جريمتة انة مزعل صول القسم

حصلت خناقة بين عيلتين كبار عندنا,اتقتل فيها 2 من نفس العيلة(أنا سمعت صوت الرصاص)ولما هرب القتلة,حلتها الشرطة بطريقة بسيطة جدا,أخدت كل ستات البيت (بيت القتلة الهربانين)واغتصبتهم فى القسم لغاية ما سلموا نفسهم (أنا شاهد عين) وسلملى على حقوق الانسان

اللة يرحم السودانيين,اللى هربوا من الحرب ومن الفقر علشان يموتوا فى ميدان مصطفى محمود,واللة أنا حاسس بالعار وبعتذر لكل سودانى أشوفة,الى الجحيم يا حبيب يا عادلى,الى الجحيم يا مبارك,الى الجحيم أيها النظام

مراتى

2005-12-28T12:34:00.000+02:00

مراتى اتخانقت معايا امبارح علشان بقعد على النت كتير هخفف شوية

ارهابى بالفطرة

2005-12-28T01:57:00.000+02:00

من الناس اللى بشوفها باستمرار هنا ,واحد ملتحى بدرجة ارهابى جدا,أنا بطبيعتى بعاملة كويس ,فهو بدأ يصاحبنى ,وبعدين بدأ يكلمنى عن العراق وعن امنيتة انة يروح يستشهد ويحارب الصليبين والرافضة,وبعدين بدأ يجيبلى ديسكات للعمليات فى العراق مصحوبة بأناشيد جهادية,ومنها سى دى فيها خطة كاملة لعمليات عسكرية وتدريب على أسلحة من المسدس ل أر بى جية ,على فكرة لسة الخطة موجودة عندى000000000حد يشترى؟

يا عينى عليكى يا مصر

2005-12-25T01:07:00.000+02:00

أدينا خسرنا أيمن نور,المعارض الليبرالى القوى اللى كان فية أمل ينقذنا من الهم الأزلى الى اسمة الحزب الوطنى والحمار اللى ماسك البلد من عشرميت سنة هو والعصابة اللى معاة,والهم الأبدى اللى اسمة الاخوان المسلمين,البهايم اللى سايبين يوسف والى بعد ما ملى البلد مبيدات مسرطنة ورايحين يرموا الراجل فى السجن خمس سنين,اللة يخرب بيوتهم ربنا يورينى فيهم وفى الاخوان يوم(بيقولوا علية عميل أمريكانى) هيخلونى أقول كلمة ماقولتهاش من سنتين أحــــــــــــــــــــــــــــــــــــــــــــــــــــــــــــــــــــــــــــــــة

المرأة السعودية

2005-12-23T03:06:00.000+02:00

المرأة السعودية

لا تحمل اثبات هوية0

لا تحمل رخصة تثبت حصولها على مؤهل علمى0

لا يمكن ان تستخرج جواز سفر0

لا يمكن أن تستخرج رخصة0

لا تسافر,لاتعمل,لا تخرج,لا تذهب الى السوق أو المستشفى الا بموافقة ولى أمرها0

ولو كانت هى أستاذة جامعية وهو عسكرى مرور

لا تشهد فى محكمة الا بموافقتة وشهادتها نصف شهادتة وميراثها نصف ميراثة0

وسلملى على المترو

فى مدينة سعودية

2005-12-21T22:44:00.000+02:00

أنا عارف ان الاخوان المسلمين هيمسكوا البلد

معظم الناس اللى بتكلم معاهم قرفانين من الحكومة ومن البلد كلها بس برضوا معظمهم فعلا بيأيدوا الاخوان

اللة يخرب بيتهم وبيت الاخوان0

مصر مش هتبقى فقيرة بس لكن هتبقى كئيبة كمان 0

البنات العسل اللى بيدوا طعم ولون للحياة 0

البنات اللى بيدوا طعم للخروجات والفسح والرحلات 0

للسينمات والمطاعم والكورنيش والترمس والجرى واللعب 0

لأغانى عبد الحليم حافظ ومحمد منير0

لكل ذكرياتنا ومراهقتنا

لأيام الثانوية والجامعة هيتحولوا لأشباح لأنثى لابسة خيمة

اللة يعين الأجيال الجاية0

فى أى وقت 0فى اى شارع0فى أى مدينة سعودية ستقابل هؤلاء 0

محمد 0أنثى0أحمد0مسفر0أنثى0أنثى محمد0أنثى0رياض0ماجد0أنثى0أنثى

كلمات رجل

2005-12-21T22:34:00.000+02:00

أنا لا أدعو اليوم الى انتقام

ولا أدعوالى دم

ولا أدعو الى أحقاد

ولكننى أدعوالى دفن الأحقاد مع جبران

كلمات رجل مكلوم أحترمة جدا0000غسان توينى0

حكايات من الانتخابات

2005-09-08T16:48:00.000+03:00

أول حكاية......كل لوحات الانتخابات فى الشارع بتقول فلان الفلانى يؤيد محمد حسنى مبارك.ولما يكون فية لوحة لأيمن نور ولا نعمان جمعة تبقى انتخبوا فلان الفلانى رمز كذا

....تانى حكاية...سمعت ان الحى والشرطة بلغوا أصحاب المحلات اللى كتبوا لوحات الحكاية الأولى انهم لو مكتبوهاش هيقفلولهم المحلات بتاعتهم...

..تالت حكاية.....واحد صاحبى جالة عسكرى معاة ورقة أنا قريتها بيبلغوة فيها انة لو مارحش ينتخب هيدفعوة 100 جنية.............يالهوى.....هو الموضوع بصحيح

تاية فى مصر

2005-09-08T16:38:00.000+03:00

أنا فى مصر من كام يوم.اول ماجيت لفت نظرى المطار الجديد ...اية الحلاوة والجمال دة ..لأ بجد حاجة تفرح حاجة تخلى الواحد يعنى يزقطط.. بصراحة أنا مش هفتح بقى فى الموضوع دة مع واحد سعودى تانى

Little shamed

2005-09-01T20:28:00.000+03:00

I think iam open minded,I have jewish friends,and of course i have christian ones,I always can understand the other point of vieow,I was talking last night with an Israeli guy and the discussion turned to an argument about the miserable arab world,he said we simply didnot offer any thing to the world since 100's of years...........I said too much, and I told him too much about Dubai and Abu Dhabi,that didnot change any thing,,,,,,,,in my heart I was SHAMED.

رحال أنا........امتى أرسى على بر....

2005-09-01T20:20:00.000+03:00

خلاص وضبت شنطى.....انا مسافر بكرة على مصر..اجازة لمدة شهر..أسوء حاجة فى السعودية0فى العالم كلة ان يكون جواز سفرك مش معاك...................يارب ماما أمريكا تضغط شوية عليهم علشان حكاية الكفيل دى يلغوها

سعودى

2005-08-29T01:06:00.000+03:00

انا بشتغل فى صيدلية.. فى مدينة سعودية....الساعة 3 الفجر واحد داخل عليا لابس فانلة داخلية وحافى وشعرة منكوش ....يعنى شكلة يخوف قمت بسرعة خايف بحسب هيقولى ان مراتة بتنزف.....امة بتموت....ابوة اتجنن مش عارف ........ بس أكيد مصيبة..............................وقف قدامى وتنح !!!!بص لى واستغرب!!!!خبط راسة بايدة وبعدين مسح وشة وقالى........... وايش بغيت يابو محمد؟!؟!؟ وايش بغيت يابو محمد؟!؟!؟!؟!!..................اللة يخرب بيتك يابو محمد..ويحش وسطك يابو محمد...ويقطع خلفك يابو محمد....علشان كفاية .. عليا انت ومحمد يابو محمد

الحاضر يبلغ الغايب

2005-08-27T02:15:00.000+03:00

أخيرا مشاكلك اتحلت يا مصر..حسنى وعدك يا مصر وحسنى لازم يوفى بوعدة..الراجل عندة خطة للمرحلة الجاية..ناوى والنية للة يرخص اللحمة ويسوى المطبات اللى فى الشوارع ويسهل امتحانات الثانوية العامة ويمكن كمان يوزع المكسرات فى رمضان شفت بقى لما خلع الجاكت اتغير اذاى......صحيح البدل دى خنقة ياجدع

دا أنا

2005-08-27T02:09:00.000+03:00

دى صورتى بصراحة عايز احس انى ف بيتى...........عايز أفضفض

أول مرة ياسيدى

2005-08-26T02:30:00.000+03:00

ابدا انا كل يوم ادخل على النت 3 ساعات واكتر بقابل كل المهابيش اللى فى الدنيا قلت اكتب حاجة علشان افضفض اصل انا هطق نبدء بكرة